The most comprehensive collection of Filipino Poems online. Written by Filipinos, Shared by Philippine Literature Enthusiasts and by Students.

Thursday, June 7, 2012

Mga Tula Tungkol Sa Wikang Filipino

Mula sa Mga Manunulat ng Nueva Ecija, ay ang "Mga Maiikling Tula Para Sa Wika" ni Miguel R. Santos. Alam naman nating kung gaano kahalaga ang Wikang Filipino sa ating buhay kaya naman narito ang mga tula tungkol sa Wikang Filipino.



  • May sariling wika ang ibon at isda, Iba ang sa aso, iba ang sa pusa. Iba't ibang bansa, kanya-kanyang wika Itaguyod natin ang wikang pambansa.


  • Bakit mahalaga ang sariling wika? Ito'y kaluluwa ng mahal 'ting bansa. Wika rin ang buklod ng puso at diwa Nang tao sa Luson, Mindanaw, Bisaya.


  • Wikang Pilipino pag ating ginamit Mangagkakaisa ang puso at isip. Hangaring umunlad ating makakamit, Sa mga dayuha'y hindi palulupig. Tingnan 'nyo ang Intsik, Aleman at Korya, Maging taga Rusya, Hapon, Amerika, Sila'y mauunlad; at ang wika nila? Ang sariling wika, di wika ng iba.


  • Ako ay Tagalog, sila'y Ilokano, Siya'y Bisaya, kayo'y Bikolano, Kapampangan sila, iba'y Sibuwano, Binubuo natin, wikang Pilipino.


  • Mga taga Luson, Mindanaw, Bisaya, Iba't ibang lipi, iba't ibang diwa. Sila'y binubuklod ng iisang wika, Mamamayang lahat nitong ating bansa.


  • Sa bansa kong ito'y isa lang ang wika, Wikang Pilipinong bigay ni Bathala. Masining ang kanyang awitin at tula, Lubha ring malalim, kanyang talinhaga. Wikang Pilipino'y maraming wikain, Mahigit pitumpo kapag bibilangin. Magpatuloy tayo na ito'y gamitin Sino mang dayuha'y di kayang lupigin.

Mula sa aklat na "Ang Agham sa Tula... Ang Tula sa Agham At Mga Kathang Makasining" © 2004

4 comments:

Unknown said...

galing :)

Unknown said...

Nakatulong tohh thankyoi💜

Unknown said...

Grabe Sobrang Nakatulong To Wala Kong Pake Kung Hindi Mahaba Basts Ang Cnabi Ng Aking Guro Ay Magaling At Pasado Pa Ako

Unknown said...

ang galing talagang nakatulong ito ng madami

Post a Comment